Mljeveno meso u bijlom umaku

Priprema:

1. Krompir i mrkvu očistiti, izrezati na kocke i prokuhati u salanoj vodi.
2. Poriluk dobro oprati pod tekućom vodom, izrezati sitno. Zeleni dio izrezati do granice gdje je svježe zelen. Propržiti poriluk na malo ulja. Kada omekša dodati mljeveno meso i pržiti dok voda ne ispari. Posoliti i popapriti.
3. Na maslacu propržiti brašno, dodati mlijeko i žustro mješati da se ne stvore grudvice. Čim smjesa ugusti skloniti sa vatre, dodati jogurt i posoliti.
4. U vatrostalnu posudu staviti ocjeđene mrkvu i krompir, dodati meso sa prilukom, te sve preliti bijelim umakom.
5. Posuti naribanim parmezanom i zapeći u rerni.

Snježna ruska torta

Kora:

• 6 jaja
• 6 kašika šećera
• 6 kašika sjeckanih oraha
• 3 kašika mljevenih oraha
• 2 kašike brašna
• 1 - 2 kašike mljevenog keksa

Fil:

• 1 dcl mlijeka
• 200 g šećera
• 200 g mljevenih oraha
• 200 g putera
• rum za natapanje kora

Priprema:

Umutiti jaja i šećer, zatim umješati ostale sastojke. Sipajte pola smjese u podmazan pleh, ispecite koru.

Ispecite i drugu polovinu smjese, a svaku koru presjecite na pola ( da biste dobili 4 kore)

Kore poprskajte rumom.

Pripreme fila: Mlijeko pomješajte sa šećerom i stavite da prokuha. Dodati mljevene orahe i promješati. Umutiti mikserom, dodavati postepeno hlađen fil od oraha i mutiti dok fil ne pobijeli. Filovati kore.

Keksići sa jabukama

Tijesto:

200 g maslaca, 120 g šećera, 2 jajeta, 1 dcl mlijeka, 500 g brašna, 2 kašike praška za pecivo, 2 kašike vanila ekstrakta, korica 1 limuna

Fil:

jabuke, šećer, cimet

Priprema:

Umutiti omekšali maslac sa šećerom, dodati jaja, rendanu koricu limuna, mlijeko. Izjednačiti masu i sipeti brašno pomješano sa praškom za pecivo. Zamjesiti glatko tijesto, ostaviti jedan sat u frižideru umotano u foliju. Odstojalo tijesto podjeliti u 6 dijelova od kojih se oblikuju loptice. Svaku lopticu istanjiti i isjeći na 4 dijela s tim da se svaki dio zasječe dva puta uz ivicu, ali ne do kraja. Staviti rendane jabuke, preko njih cimet i šećer. Preklopiti jednom, pa drugom stranom. Staviti u pleh obložen papirom za pečenje. Gotove keksiće posuti šećerom u prahu.

Voćni kolač

Kora:

5 jaja, 125 g šećera, 125 g brašna, 

Preliv:

pekmez, 1 narandža, 1 konzerva ananasa, 50 g višanja, 50 g šećera, 1 kesica želatina

Dekorisati šlagom

Priprema:

Umutiti bjelanjke sa šećerom i dodati žumanjke, potom lagano umješati brašno. Sipati u nauljen i brašnom posut kalup, peći 20 minuta na 200 stepeni.

Ohlađen bislvit premazati pekmezom.

Prko pekmeza poređati kolutove ananasa.

Dodati višnje i narandžu, staviti u frižider da se stegne.

Pripremiti želatin po upustvu sa kesice i dodoati 50 g šećera.

Ohlađen preliti preko voća i dekorisati šlagom.

Jedan jako osvježavajući kolač :)

Enčilade sa jabukama

Saatojci:

4 jabuke, 250 g šećera, 1 1/2 kesice cimeta, 6 tortilja, 50 g putera, 50 ml vode

Priprema:

Jabuke oljuštimo, isječemo na kocke i stavimo u šerpu. Dodamo 150 g šećera i stavimo na šporet. Povremeno mješamo, kuvamo oko 15 minuta. Kada tečnost ispari, sklonimo sa šporeta i ostavimo jabuke da se hlade. Na prvu tortilje stavimo 1/6 parčadi jabuka i nanosimo cimet. Krajeve tortilja savijemo ka unutrašnjosti, da ne ispadne fil i uvijemo u rolat. Filovane tortilje stavimo u vatrostalnu posudu, namašćenu puterom. Na isti način pripremimo ostale tortilje i poređamo u posudu. U drugu šerpu na šporetu stavimo puter, prostalih 100 g šećera i vodu, promješamo. Kada se šećer i puter rastope prelivamo filovane tortilje u vatrostalnoj posudi. Nanosimo preostali cimet i posudu stavimo u rernu. Pečemo 20 minuta na 200 stepeni i izvadimo iz rerne.

Piletina iz marinade

• 2 parčeta pilećih grudi
• 50 g tortilja čipsa
• prezle
• 200 ml jogurta
• 2 češnja bijelog luka
• 1/2 mle kašike čilija u prahu
• ulje
• so i biber

Priprema:

Pileće grudi isječemo na polovine po dužini, posolimo, pobiberimo i rastanjimo kuvarskim čekićem. Češnjeve bijelog luka sitno isječemo i stavimo u dublji sud. Dodamo jogurt i čili u prahu, poslimo, pobiberimo i promješamo marinadu. Pileće šnicle stavimo u marinadu i ostavimo jedan sat u frižideru. Istucamo čips i izmješamo ga sa prezlama. Šnicle izvadimo iz marimade, sa obe strane uvaljati u prezle i tortilja čips. Ispržiti šnicle na zagrijanom ulju. Ispržene šnicle stavimo na tanjir obložen papirnim salavetama. Stavimo šnicle na tanjir za serviranje, dodamo prethodno skuvani grašak sa kukuruzom.

Prijatno.

Enčilada sa junetinom

Sastojci

5 tortilja, 450 g juneće krtine, 250 g integralnog pirinča, 150 g kačkavalja, 200 ml paradajiz sosa, 2 glavice crnog luka, 1 češanj bijelog luka, kašika čili sosa, 2 lovorova lista, 10 zrna bibera, 1 mala kašika mljevenog kumina, ulje, sol

Priprema

Meso stavimo u vatrostalnu posudu i posolimo. Glavicu crnog luka isječemo na tanke režnjeve i dodamo u posudu. Dodamo lovorove listove, biber, 2 kaššike ulja i 2 kutljače vrele vode. Posudu zatvorimo aluminijskom folijom i stavimo da se peče dva sata na 200 stepeni. Ispečeno meso isječemo na tanku parčad. Drugu glavicu crnog luka i češanj bijelog luka sitno isječemo i ispržimo na vrelom ulju. Dodamo mljeveni kumin i čili sos, posolimo, pobiberimo. Kada luk omekša u tiganj dodamo parčad ispečenog mesa i promješamo. Pržimo deset minuta i sklonimo sa šporeta. Pirinč prethodno skuhati. Kačkavalj krupno narendati. Na prvu tortilju stavimo kuvani pirinč, zatim fil od mesa i na kraju narendani kačkavalj. Filovanu tortilju stavimo u nauljenu vatrostalnu posudu. Na isti način pripremimo i ostale tortilje i ređamo u posudu. Prelivamo paradajiz sosom i nanosimo preostali narendani kačkavalj. Stavimo u rernu, pečemo 20 - 30 minuta na 180 stepeni i izvadimo iz rerne.

,,Pollo verde" piletina

• 500 g pilećih grudi
• 500 g očiščenog špinata
• 200 g konzerviranog ananasa
• 200 ml neutralne pavlake
• 2 češnja bijelog luka
• 1 mala kašika karija
• 1/2 male kašike mljevenog kima
• ulje
• so i mljeveni biber

Priprema:

Pileće grudi isječemo na tanku duguljastu parčad. Ispržimo piletinu na zagrijanom ulju u tignju. Špinat obarimo, iscjedimo kroz cjediljku. Češnjeve bijelog luka sitno isječemo i kratko propržimo na zagrijanom ulju u vok tignju na šporetu. Dodamo iscjeđeni špinat, posolimo i pobiberimo. Dodamo kari i mljeveni kim. Kada špinat poprimi ukuse začina dodamo neutralnu pavlaku i ispržimu parčad piletine. Promješamo i dinstamo dok se ukusi ne sjedine. Na zagrijanom ulju u drugoj šerpi propržimo kocke ananasa. Na tanjir za serviranje stavimo piletinu sa špinatom. Na njih nanosimo propržene kocke ananasa.

Čokoladni kolač sa bananama i lješnjacima

• 2 jajeta
• 400 g šećera
• 245 g bračna
• 240 ml tople vode
• 120 ml mlijeka
• 120 ml ulja
• 75 g kakaoa
• 50 g krupno sjeckanih lješnjaka
• 2 banane
• 1 1/2 kašika praška za pecivo
• 1 kašika ekstrakta od vanilije
• 1/2 male kašike sode bikarbone

Priprema:

Jaja polupamo i stavimo u sud za mućenje. Dodamo šećer i mutimo mikserom dok se šećer ne rastopi. Dodamo kakao, ulje, mlijeko, ekstrakt od vanilije, prašak za pecivo, sodu bikarbonu, brašno i vodu. Mutimo mikserom dok se sastojci ne sjedine. Banane oljuštimo, isječemo na parčad i stavimo u dublji sud. Izmiksamo ih blenderom i dodamo u sud sa pripmljenom smjisom. Zatim dodamo isjeckane lješnjake i mješamo dok se smjesa ne sjedini. Nanosimo je u puterom namašćenu tepsiju. Tepsiju stavimo u rernu 40 minuta na 180 stepeni i izvadimo je iz rerne. 

Prijatno :)

Juneća enčilada

8 tortilja, 500 g junećeg mljevenog mesa, 1 glavica crvenog luka, 100 ml kisele pavlake, 100 g gaude, 1 zelena paprika, 2 konzervirane fefarone, 2 male kašike čilija u prahu, 1 mala kašika origana, 1/2 male kašike mljevenog kumina, 400 ml paradajiz sosa, ulje, so i mjeveni crni biber

Priprema:

Glavicu crvenog luka sitno isječemo i propržimo na zagrijanom ulju u tignju. Kada omekša dodamo mljeveno meso i mješamo kašikom, posolimo i pobiberimo. Kada se meso isprži, sklonimo tiganj sa šporeta, dodamo pavlaku i sjedinimo. U šerpu na šporetu stavimo paradajiz sos. Zelenu papriku i feferone usitnimo, dodamo u šerpu. Dodamo čili u prahu, mljeveni kumin, origano i 200 ml vode. Sos kuvamo 5 minuta i nanosimo ga u tepsiju. Prvu tortilju potopimo u tepsiju sa vrelim paradajiz sosom da bi omekšala. Na tortilju stavimo fil od mljevenog mesa, uvijemo u rolnu i stavimo u nauljenu vatrostalnu posudu. Na isti način pripremimo sve tortilje. Poređamo ih u posudu i polijemo preostalim paradajiz sosom. Zatim krupno narendamo gaudu. Posudu stavimo u rernu i pečemo 20 minuta na 180 stepeni.

Prijatno :)